香港新浪網 MySinaBlog
« 上一篇 | 下一篇 »
kuru | 27th Jun 2011 | 生活記事 | (993 Reads)

沒有冤情, 只有對攬枕的情而已.
太久沒洗了, 都幾污糟吓...前幾日趁家中沒有人, 所以跟老婆洗個澡吧~

Picture

這個只是平日的咕o臣而已, 2010年新年cw入手的, 連芯, 時價一舊水, 冇多冇少.
我老婆是 nagi! 不是能美和棗鈴!
只是見她們也有點糟, 所以才順道一併洗洗而已! 真的!

 

  入戲前言 - 用料資訊

能抱住自己喜歡的女生睡, 是一件非常愉快的事情吧. 即使是純愛沒有H成份也好, 能一起睡, 也就代表親密.
對於患有「二次元禁斷症」的朋友, 跟自己喜歡的女生在一起, 也不是沒辦法, 君不見「音夢大叔」和「愛理大叔」兩位勇者嗎?

攬枕一般來常可分為兩個部分:「枕套」和「枕芯」.
顧名思義, 前者是一個薄薄的套, 上面畫有角色; 後者是一個軟綿綿的芯, 內裡載有棉花.

攬枕這東西挺貴的 (不過其實二次元週邊也不會便宜得去哪吧=3=), 買一個都幾肉赤, 所以好好愛惜呢w
一 set的話, 大概要 1500港紙, 近排日円高企, 天天都係 9.7 / 9.8 / 9.9 咁滯, 分分鐘要 1700先埋到單~.~


  枕芯

體積較大的枕芯會便宜些, 因為只需度 size 然後入棉花, 在cospa訂的話連運費都要 $500 左右.
人工棉的啦, 如果是天然的話, 你估吓會去到幾多錢? (笑)
不過都可以在香港訂做的, 去什麼「雅(嘟)床褥」之類的床上用品店已經可以, 有機會平少少啦, 大概. (茶)
Picture
(▲左方的是購自cospa, 用左一年左右, 右方的購自同人組織, made in TW的, 用左兩年, 現在雪藏中)
料呢, made in TW的較多, cospa 的較少.
但表層套膜 cospa較優勝, 經多次雲雨之後都唔係好多永久摺痕.
枕套比較薄的嘛, 個芯有啲摺痕透左出黎會增加失真感, 所以呢點都 fatal吓…
嘛, 瞌埋眼其實都唔覺o既. (拖


  枕套

枕套方面, 多數都是 150cm × 50cm, 只有很少數是 160cm × 50cm, 係成個人咁高o既, 等身一比一嘛~
如果購自同人組織的話, 雙面多數要 $500, 單面的都要 $200; 主要都係視乎用料同廠價.
有部分組織(有時連官方也會, 特典附送那些..)可能會用 サテン (satin,棉緞, 彷絲), 呢隻會平啲, 雙面的話大概 $400 左右.
Picture
(▲夏娜的, 可見整體較光滑, 而且有些地方暗起來的. 2年前動漫節補購, 單面, 時價三舊)

如果鍾情於官方嘢的話, 可以去日本的「二(嘟)元cospa」訂吧.
Cospa用的料係 polyester (聚酯), 都算係一種膠黎o既...因為都係 synthetic polymer嘛.
那邊分兩種織法, 各有好壞. (廢話)

第一種是「ツイル」(twill,斜紋織), 8400円(稅已計), 搵人訂計埋運費埋單要 1000港紙左右啦.
Picture
(▲二期nagi, 仔細睇會見有斜紋. 09年年底購入, 雙面, 時價八舊. 因為連芯買, 所以有 discount.)
另外一種叫「ムースニット」(smooth knit,磨毛針織), 9450円(稅已計), 搵人訂計埋運費埋單要 1100港紙左右.
[屋企唯一一個 smooth knit o既攬枕唔知放左去邊, 所以圖片先欠了 ~.~...]

相傳仲有第四種織法的, 叫「2Wayトリコット」(4-way tricot,雙軸向經編).
呢隻質地即係現時校園泳裝o個隻料, 貴野黎, 啲貨玩吓手都要過萬円.
因為 among 啲貨都冇nagi, 所以冇買~  我很專一的!
另相傳呢隻料 stretch 得 (2-dimensionally), 因為 polymerisation 時加少少 Lycra (芭蕾舞衫o個隻料).
呢隻料同織法會吸汗啲同會冬暖夏涼, 所以看上去係隻好 perfect o既料,
如果有nagi的, 貴少少買番個都抵!
[備註: 這裡的「2-way」是沿用日式的叫法, 歐美地區係叫「4-way」的; 因為日本係橫向縱向咁睇, 歐美地區係上下左右咁睇XDDD]

至於satin、twill同smooth knit三者, twill會實惠啲.
satin 係最平, 但易發霉, 流兩三次口水之後放一個月左右已經有黑點...而且沾上白濁液之後都唔易洗甩, 所以要成日洗, 好大陣仗好麻煩.
而且質感上雖然係滑, 但其實都唔係好過 twill 同 smooth knit 好多.
twill呢, 銀碼唔算好大, 都算OK經濟. 都幾襟用, 擺成三四個月先污糟到要洗 (啲口水漬同汗漬浮現出來).
不過嘛, 同nagi一齊都接近三年了, 個攬枕兩邊都會有少少起毛的跡象, 但其實唔太明顯, 可以唔理=3=
質感上摸上去同瞓上去都幾滑, 雖說都睇到同感受到啲斜紋, 不過都係啦, 合起眼來深情擁抱(吻)時就不覺的了(?)
smooth knit都唔錯, 貴少少, 所以比 twill 冇咁粗糙, 幾好攬 (對上次已是一兩年前了XD).
不過最衰係唔夠 twill 咁襟用, 卒之我都係換番 twill的, 用到而家. (原因二其實係我唔想對住二期的nagi而已XD)

好喇, 到戲肉了. (拖


  正章戲台 - 清泉濯枕

一般來說污漬分7種: 

  1. 皮屑 - 死去的表皮纏綿時脫落而已, 輕撥之則可.
  2. 口水漬 - 成因為訓覺時流口水, 很簡單直接. 一時三刻的口水流了在枕套上乾了之後不會覺眼, 到三四個月之後才會有印浮現出來.
  3. 血漬 - 夜晚爆瘡, 或者身上有傷口未癒合. 又可能是雲雨次數太多, 濁液帶血.
  4. 發霉 - 口水流量很大, 又唔勤於消洗, 放埋一邊"噏"住久了, 就會發霉了.
  5. 油漬/野食/飲品 - 食野o個陣唔小心彈到落個枕度, 或者唔抹嘴同漱口就 kiss 埋去. 所以, 食野時暢飲後唔好行埋個枕, 且盡量避開油煙, 除非你想小強來跟你們同眠.
  6. 汗漬 - 夜晚時流汗所成的, 不過很難發覺, 唔明顯.
  7. 白濁液 - 通常都是大砲走火, 如果有心要發砲的話, 一係會射去第二度或做足安全措施.

用 twill 同 smooth knit的話通常二至四個月要洗一次, satin 的可以耐少少, 視乎用家的口水流量、汗流量以及預計不到的雲雨次數.
洗一次攬枕好麻煩, 由拆下來到套番上去,「搞搞共共」都要四五個鐘.
有 d 人會將個套放入個洗衣袋, 然後置之於洗衣機, 等一個幾鐘, 即完事.
筆者唔多建議放落洗衣機, 正所謂惻隱之心人皆有之, 見老婆將入於洗衣機, 點都唔忍心啦.
所以, 都係手洗好.
簡單來說, 洗滌的程序有五個, 謂曰:「浸捽沖晾熨」.

以下的步驟解說會用 一期旋風管家女主角三千院凪 的來做示範.
該攬枕08年年中購入, 時價九舊半, 包運費. (當時已經碩果僅存的~.~)
09年年初開始in use, 10年年初換了下來, 兩個月後換回. 經歷了七八次洗滌.

PicturePicture
浸, 先搵個盤, 然後落少少梘粉 (可信的洗衣粉, 沒有使衣物甩色的前科), 加少少凍水 (熱水的話會破壞色澤同結構), 浸埋個枕套落去, 為時半小時至一粒鐘.
筆者個人會九個字, 一個鐘驚梘粉太勁, 半小時又唔太夠喉=3=
twill 本身都幾索水, 所以唔駛另外加野去 reduce 水o既 surdace tension.
satin 就唔太喇, 需要浸耐少少, 唔係唔透.

PicturePicturePicture
捽, 浸夠皮之後竟要落手做. 因為污漬唔會浸完就冇晒, 浸呢個 procedure 只係令 d 污漬易 d 甩.
首先要執起有污漬的一角, 然後再求其執起另一角.
接著將兩面輕輕地互相摩擦, 使表面上水溶性的污漬脫落.
唔好畀咁多力水, 因為 polyester 的 fibre 都幾脆弱, 使勁地捽咁洗幾鑊, d fibre 會斷, 然後會有起毛絲的現象出現. (最 significant 係兩邊, 因為長時間都bend住)
不過如果是半水溶性的或是深層的污垢, 就沒辦法了, 不能那麼柔情, 真係要用番多少少力水, 唔係唔甩~.~
捽幾次要浸一浸番落水, 一來等 d 污糟野離開個枕, 二來蘸番 d水做 lubricate, 等之後摩擦時唔會咁易磨爛.
[鳴謝: 多謝工人姐姐借出玉手幫忙洗, 唔係我影唔倒XD 平日呢 d咁貼身o既野梗係要親力親為啦~]

Picture
沖, 將成盆野拎去沖涼房, 開水喉射吓個套啦, 主要的作用都係要洗走 d 梘粉.
入滿半盆水之後, 就可以開始將個枕o係個盆浸上浸落, 拎起佢又放番低, 重複四五次之後倒水再入過水.
如是者整個步驟又重複六七次, 目的只是想完全整走 d 梘粉.
沒有人會想相相擁抱時聞見梘粉味吧=3=...

Picture
晾, 將個枕套吊起, 使之乾透. 建議室內晾好過室外晾 一來費事畀陽光直曬, 破壞色澤同結構, 二來費事出面飛 d 塵黎 stick o係個枕套上面, 三來費事不明事理的鄰居誤會~.~
首先先在屋企找出兩個較高的定點, 然後以尼龍繩連接起來, 並串起三個衣架. 同時在地面鋪報紙, 四五層已經OK.
一個衣架再配三隻衣夾, 一上二下, 作用都是用來固定個枕, 費事一陣隨風起舞, 不然輕則整濕地方, 重則揩到污糟, 又要洗過Orz
掛起了之後, 就要 set 個「風扇舞台陣」, 左右兩邊都 set d 風扇, 會快 d 乾, around 2個鐘.

PicturePicture
熨, 係想將個枕套整得順服 d, 唔好咁多摺痕. 雖然套上枕芯時係會減少一 d, 不過 major 大條o個o的都係會好明顯.
個熨斗要較去 polyester (有 D 熨斗可能會寫做 synthetic fibre之類), 因為呢個 mode o既蒸汽會少 d, 唔會破壞塊布o既結構.
唔好熨咁耐, 基本上每個位熨過兩三次已 OK, 因為熨得耐即係 expose 個套對蒸汽耐 d, 都會快殘 d .
另外要留意一點的是, 小心個枕套拖地, 因為真係很長w


都 make 個 conclusion 啦,
洗一次好麻煩, 所以奉勸有攬枕的朋友好好對待二次元老婆, 唔係都係自己攞黎衰.(?)
另外, 每個抱枕也有其使用期限啦...沒辦法的...
所以好好保養很重要吧; 好好保養才能使之延長.
所以好好愛惜自己喜歡的女生吧; 好好愛惜才能讓她永遠留在自己身邊.


[1]

自己車枕頭套+買棉花塞 = $100有找 囧

leo
[引用] | 作者 leo | 27th Jun 2011 | [舉報垃圾留言]

leo :
自己車枕頭套+買棉花塞 = $100有找 囧

入棉花太脹的話會頂親下面吧w

[引用版主回覆] | 作者 kuru | 28th Jun 2011

[2]

比著我的話會掛在後花園等乾

話說抱枕這個真是一個大坑


[引用] | 作者 Keris | 27th Jun 2011 | [舉報垃圾留言]


畀太陽曝曬不行啊w
對, 所以專一很重要w

[引用版主回覆] | 作者 kuru | 28th Jun 2011

[3]

>抱枕這個真是一個大坑

+1 , 只是我家沒位 + 會被老媽懷疑我 , 所以不要入手就是了 .

Alex
[引用] | 作者 Alex | 27th Jun 2011 | [舉報垃圾留言]


我中四購入的w 當時都怕會被老爸老媽"問", 不過出奇地沒有 囧
人大了之故吧wwwww

[引用版主回覆] | 作者 kuru | 28th Jun 2011

[4]

之前提到的我那個朋友被家人丟掉的抱枕
好像也300$>150左右$

尤格薩倫
[引用] | 作者 尤格薩倫 | 27th Jun 2011 | [舉報垃圾留言]


在旺角 baby__ce那裡訂的好似係呢個價, 用料聞說是 satin + 台製芯. cospa 的話, $300 只能買到 50x50 布織的手抱 cushion 而已 (死cospa

[引用版主回覆] | 作者 kuru | 28th Jun 2011

[5]

之前提到的我那個朋友被家人丟掉的抱枕好像也才300$>150左右$(工口貨)

至於小弟還是等動漫節看看有沒有合眼緣的再決定好了。XD

尤格薩倫
[引用] | 作者 尤格薩倫 | 27th Jun 2011 | [舉報垃圾留言]


動漫節會有的w 前年看到 tinkle 的款, 賣 $500 w

[引用版主回覆] | 作者 kuru | 28th Jun 2011

[6]

葡萄葡萄~ =o=

我也很想要一個小雛的抱枕~ XD


[引用] | 作者 怪盜多啦 | 27th Jun 2011 | [舉報垃圾留言]


HiNA的, 印象中 6月頭時 Cospa 有再出產 smooth knit 的款, 現在去訂差不多的了w

[引用版主回覆] | 作者 kuru | 28th Jun 2011

[7]

意外的,kuru竟然對抱枕咁有研究,不過真係要好好保養,才用得長久。

葉言
[引用] | 作者 葉言 | 28th Jun 2011 | [舉報垃圾留言]


自中四時已開始玩抱枕, 當時未係好熟, 之後中五六才鑽研的. 畢竟都是貼身之物嘛~ 唔知多 D 同好好保養唔得XDDD

現在 in use 那個一期 nagi 的都用了兩年, 還未有很大的破損, 差唔多架喇XD (我好鍚住佢XD)

[引用版主回覆] | 作者 kuru | 29th Jun 2011

[8]

有些污漬可能很難清,可是用洗衣刷刷老婆她會超痛。O_Q

有冷氣房+電風扇會乾得更快噢~

"所以好好愛惜自己喜歡的女生吧; 好好愛惜才能讓她永遠留在自己身邊."
這句超中肯,我給一千個讚。bbbbb


[引用] | 作者 小黑 | 1st Jul 2011 | [舉報垃圾留言]

對, 所用所以也只敢用手輕力擦拭, 不然該很痛吧...不要說洗衣刷, 用手大力多一點點也怕= =...

有一千個讚啊XD

[引用版主回覆] | 作者 kuru | 6th Jul 2011

[9] Re: kuru

>白濁液 - 通常都是大砲走火, 如果有心要發砲的話, 一係會射去第二度或做足安全措施

我家也有一個cushion,不過始終唔捨得去用....寧願擺她十年百年

 污糟了會非常心痛的說

 

onbb
[引用] | 作者 onbb | 11th Jul 2011 | [舉報垃圾留言]

我當初都有猶豫過好不好只買來當裝飾擺設, 不過後來又想如果不用的話就很浪費...所以, 只能小心點使用, 盡量盡量盡量不要弄髒..
其實每次弄污老婆nagi我也很肉赤=3=...真的。

[引用版主回覆] | 作者 kuru | 13th Jul 2011

[10]

有錢是不同...(遠目

路吟狼
[引用] | 作者 路吟狼 | 19th Jul 2011 | [舉報垃圾留言]

路吟狼 :
有錢是不同...(遠目

冇錢啦… d 錢都奉獻晒畀 nagi (逃
唔係買左好多個咋, 見有 nagi 先買~ w

[引用版主回覆] | 作者 kuru | 19th Jul 2011

Next